} -->

Friday, 27 September 2013

Sadaa-e-ghaib samajh aur bay thikana ho



Sadaa-e-ghaib samajh aur bay thikana ho..
Sabhi ko rota hua chhorr ker rawana ho...

^^Yeh Kainaat jo mairy liye jahannam hay..Kissi gunah ka mumkin hay shakhsaana ho...

^^Koi millay to lahoo mein rawan rahay her pal.. 
Kisi say ishq  agar  ho to walehaana ho...

^^Yeh aik toota hua dil ! Magar kissay maloom.. 
Hamaray paas yahi  aakhri thikaana ho...

^^Yeh  har taraf jo bharrakti  hay aag  ! Mumkan hay.. 
Abhi  yahaan kisi namrood ka zamana 
ho... 

^^Main ker bhe sakta hoon mazdoori-e-junoo,n shahzad.. 
Kissi ka wasl agar iss ka  mehntaana ho...

Related Posts Plugin for WordPress, Blogger...